Daily Systematic Metro EPaper News National and International Political Sports Religion
اہم خبریںدنیا

بھارت اور بنگلہ دیش میں آج عید الفطر کا پہلا دن

بھارت اور بنگلہ دیش میں عید الفطر آج بروز جمعرات منائی جارہی ہے، مخلتف شہروں میں نمازِ عید کے بڑے اجتماعات منعقد ہوئے۔

بھارت میں آج مسلمان عیدالفطر مذہبی مذہبی عقیدت و احترام کے ساتھ منا رہے ہیں۔ اس موقع پر ملک بھر کی مساجد اور کھلے میدانوں میں نمازِ عید کے بڑے بڑے اجتماعات ہوئے۔

بھارت میں عیدالفطر کی نماز کا سب سے بڑا اجتماع نئی دہلی کی جامع مسجد میں ہوا۔ اس دوران دعائیہ اجتماعات کا بھی اہتمام کیا گیا۔  بھارتی ریاست تامل ناڈو میں لوگ تروچیراپلی میں سید مرتضیٰ اسکول کے میدان اور کوئمبٹور کے اسلامیہ میٹرک ہائیر سیکنڈری اسکول میں نمازِ عید کے لیے جمع ہوئے۔

بھارتی میڈیا کے مطابق ممبئی میں مسلمانوں نے ماہم مسجد اور بھارتی ریاست اتر پردیش میں شاہ جمال علی گڑھ عید گاہ میں عید کی نماز ادا کی۔ حیدرآباد دکن میں مشہور چار مینار سے متصل مکہ مسجد میں لوگوں کی ایک بڑی تعداد نے عید کی نماز ادا کی۔

مقبوضہ جموں و کشمیر اور لداخ سمیت بھارت کی کے کچھ علاقوں میں مسلمانوں نے گزشتہ روز ہی عید الفطر منائی تھی۔

بھارت کی طرح بنگلا دیش میں بھی آج عید الفطر منائی جا رہی ہے۔ بنگلا دیشی میڈیا کے مطابق ملک بھر میں عید کی نماز کا بڑا اجتماع دارالحکومت ڈھاکا میں منعقد ہوا۔

Related posts

ہمارے دل کشمیریوں کے ساتھ دھڑکتے ہیں، کیسے چین سے بیٹھیں، وزیراعظم

Mobeera Fatima

قرض لینا کامیابی نہیں، معیشت کی بہتری کیلئے پوری جان لڑائیں گے، وزیراعظم

Mobeera Fatima

اسلام آباد ہائی کورٹ کی زین قریشی کو بیرون ملک جانے کیلئے پاسپورٹ جاری کرنے کی ہدایت

Mobeera Fatima

Leave a Comment

This website uses cookies to improve your experience. We'll assume you're ok with this, but you can opt-out if you wish. قبول کریں۔ مزید پڑھیں

Privacy & Cookies Policy