Daily Systematic Metro EPaper News National and International Political Sports Religion
اہم خبریںپاکستان

توشہ خانہ ریفرنس ، نواز شریف نے بریت کی درخواست دائر کر دی

سابق وزیر اعظم نواز شریف نے توشہ خانہ گاڑیوں کے ریفرنس پر احتساب عدالت اسلام آباد میں بریت کی درخواست دائر کر دی۔

احتساب عدالت اسلام آباد کے جج ناصر جاوید رانا نے صدر مملکت آصف زرداری، سابق وزرائے اعظم نواز شریف اور یوسف رضا گیلانی کیخلاف توشہ خانہ گاڑیوں کے ریفرنس پر سماعت کی۔

صدر مملکت آصف زرداری کی جانب سے وکیل ارشد تبریز جبکہ نواز شریف کی جانب سے ان کے پلیڈر رانا محمد عرفان عدالت پیش ہوئے ،اس موقع پر توشہ خانہ گاڑیوں کے ریفرنس میں نواز شریف کی جانب سے بریت کی درخواست دائر کر دی گئی۔

جج ناصر جاوید رانا نے ریمارکس دئیے کہ بریت کی درخواست پر فریقین کو نوٹس جاری کر دیتے ہیں جس پر نیب پراسیکیوٹر نے کہا کہ درخواست بریت کو نیب ہیڈ کوارٹر بھجوا دیتا ہوں ، شارٹ نوٹس کر دیں۔

عدالت نے نواز شریف کی بریت کی درخواست پر دلائل 23 مئی کو طلب کر لیے ۔ دوران سماعت سابق وزیراعظم یوسف رضا گیلانی نے حاضری سے استثنیٰ کی درخواست دائر کی  جسے عدالت نے منظور کر لیا۔

وکیل ارشد تبریز نے عدالت کو بتایا کہ صدر زرداری کو صدارتی استثنیٰ حاصل ہے ان کی حد تک کیس نہیں چل سکتا ، جس پر نیب پراسیکیوٹر نے کہا کہ صدراتی استثنٰی کے حوالے سے درخواست مل گئی ، اس کا جائزہ لے رہے ہیں۔ بعد ازاں عدالت نے توشہ خانہ گاڑیوں سے متعلق ریفرنس پر سماعت ملتوی کر دی۔

خیال رہے کہ 17 اپریل کو نیب نے نواز شریف کو توشہ خانہ کی گاڑیوں سے متعلق ریفرنس میں کلین چٹ دی تھی ، نیب نے احتساب عدالت میں رپورٹ جمع کروا ئی تھی ، جس میں کہا گیا ہے کہ عدالت کا اختیار ہے کہ وہ نواز شریف کو مقدمے سے بری کر دے۔

Related posts

شادی سے قبل ساتھ رہنے کی حمایت، مکیش کھنہ کا زینت امان کو کرارا جواب

Mobeera Fatima

ماڑی پیٹرولیم کمپنی نے سندھ میں گیس کا بڑا ذخیرہ دریافت کر لیا

Mobeera Fatima

آزاد کشمیر میں ہڑتال ختم ، 3 افراد کی ہلاکت پر آج سوگ کا اعلان

Mobeera Fatima

Leave a Comment

This website uses cookies to improve your experience. We'll assume you're ok with this, but you can opt-out if you wish. قبول کریں۔ مزید پڑھیں

Privacy & Cookies Policy